नांदुरा:२३ जानेवारी म्हणजेच, मोठ्या पदाच्या नोकरीवर पाणी सोडून देशसेवेत वाहून नेणारे , जागतिक स्तरावरून स्वातंत्र्यासाठी अथक प्रयत्न करणारे ,आजही राष्ट्रीय नारा म्हणून ओळखला जानारा 'जय हिंद' हा नारा प्रथम देणारे महान क्रांतिकारक नेताजी सुभाषचंद्र बोस आणि महाराष्ट्रातील एक भगवे वादळ, मराठी माणसांच्या न्याय्यहक्कांसाठी शिवसेना ही संघटना उभारुन मराठी माणसाच्या हितासाठी लढणारे, हिंदुहृदयसम्राट बाळासाहेब ठाकरे यांची जयंती सुभाषबाबु यांनी देशाच्या स्वातंत्र्यासाठी आपले जीवन वाहून दिले तर बाळासाहेब यांनी हिंदुत्वासाठी, मराठी माणसाच्या हक्कसाठी आपले संपूर्ण जीवन समर्पित केले. मंगळवार दि. २३/०१/२०२४ रोजी अशा महान व्यक्तींना शिवसेना नांदुरा शहराच्या वतीने शिवसेना जनसंपर्क कार्यालय, नांदुरा शहर येथे अभिवादन करण्याचा कार्यक्रम घेण्यात आला.कार्यक्रमाचे प्रास्ताविक जितु मोरे यांनी केले तसेच सुरेश पेठकर व रमेश पाटील यांनी नेताजी सुभाष चंद्र बोस आणि हिंदुहृदयसम्राट बाळासाहेब ठाकरे यांच्या जीवनावर प्रकाश टाकला तसेच बाळासाहेबांच्या सोबतच्या आठवणी अधोरेखित केल्या. शिवसेना शहर,महिला आघाडी, युवासेना उपस्थित सर्व शिवसैनिकांनी या महान पुरुषांच्या प्रतिमेस अभिवादन केले. यासोबतच सर्वांनी नेताजीं सुभाषचंद्र बोस व हिंदुहृदयसम्राट बाळासाहेब यांच्या विचारांचे स्मरण करून ते विचार आचरणात आणण्याचा निश्चय केला. यावेळी उपस्थित शहर प्रमुख अनिल जांगळे, उपशहर प्रमुख महादेव सपकाळ, देवेंद्र जैस्वाल, हरीश काटले, महेश उंबरकर,रमनसिंग ठाकूर भाजपा, प्रकाश बावस्कार महिला आघाडी शहर प्रमुख, सरिता बावस्कार, उपशहर प्रमुख प्रज्ञा तांदळे, भावना सोनटक्के- सचिव, विजया गोरे, मंगला सपकाळ यांच्यासह इतर शिवसैनिक उपस्थित होते.
إرسال تعليق