बुलढाणा: सापाला पाहूनच अनेकांना घाम फुटतो. हा लहान जीव अगदी काही मिनिटांतच माणसांचा जीव घेऊ शकतो. याशिवाय तो बेडकासारख्या लहान प्राण्यांवर हल्ला करून त्यांना सहज गिळून घेतो. मात्र तुम्ही कधी एखाद्या सापानेच दुसऱ्या सापाला खाल्ल्याचं पाहिलं आहे का? अशीच एक विचित्र घटना आता बुलडाण्यातून समोर आली आहे.बुलडाणा तालुक्यातील डोंगर खंडाळा येथे सुनील चव्हाण यांच्या घरात रात्री पाण्याच्या टाकीमध्ये विषारी साप आढळून आला. सुनील चव्हाण यांनी तात्काळ सर्पमित्र यांना फोनद्वारे माहिती दिली.त्यांनी डोंगर खंडाळा येथे पोहोचून या सापाला पाण्याच्या टाकीतून बाहेर काढलं. मात्र हा साप जेव्हा बाहेर काढला तेव्हा त्याने काहीतरी खाल्ल्याने तो सुस्त असल्याचं पाहायला मिळत होतं.नंतर जेव्हा या सापाला बाहेर काढण्यात आलं तेव्हा त्याच्या तोंडातून आणखी एक साप बाहेर निघाला या विषारी सापाने दुसऱ्या एका सापाला गिळंकृत केलं होतं या सापाच्या तोंडातून दुसरा एक साप बाहेर निघाल्याने उपस्थित सगळेच अवाक झाले कारण आतापर्यंत सापाने इतर लहान प्राण्यांना खाल्ल्याचं अनेकांनी पाहिलं असेल मात्र हे दृश्य अतिशय दुर्मिळ आणि अवाक करणारं होतं या सापाला पाहण्यासाठी गावकऱ्यांनी मोठी गर्दी केली होती या सापाला सर्पमित्र यांनी रेस्क्यू करत नैसर्गिक अधिवासात सोडून जीवनदान दिलं.
إرسال تعليق