चेन्नई : कन्याकुमारी ते जम्मू -काश्मीर अशा भारत जोडो यात्रेचे कॉंग्रेसतर्फे आयोजन करण्यात आले आहे. राहुल गांधी यांच्या नेतृत्वात भारत जोडो यात्रा सुरू आहे. या भारत जोडो यात्रेला मोठ्याप्रमाणात नागरिकांकडून प्रतिसाद मिळत आहे. असे असताना मंगळवारी रात्री चेन्नईतीलकाँग्रेस पक्षाच्या मुख्यालयात दोन गटांमध्ये जोरदार हाणामारी झाल्याचे वृत्त आहे.दरम्यान, तामिळनाडूतून निघालेल्या काँग्रेसच्या भारत जोडो यात्रेनंतर मतदारसंघात पक्षाचा झेंडा फडकवण्याची चर्चा होती. यादरम्यान हाणामारीचे प्रकरण समोर आले आहे. टीएनसीसीचे खजिनदार आणि नांगुनेरीचे आमदार रुबी आर मनोहरन यांच्या समर्थकांमध्ये ही हिंसक हाणामारी झाली. TOI च्या वृत्तानुसार, टीएनसीसी मुख्यालय सत्यमूर्ती भवन येथे झालेल्या हाणामारीत पक्षाचे किमान चार कार्यकर्ते जखमी झाले आहेत. पक्षाने अद्याप पोलिसांत तक्रार दाखल केलेली नाही.नुकतेच, काँग्रेसच्या कलक्कड आणि नांगुनेरी या दोन ब्लॉक अध्यक्षांच्या निवडणुकीचे निकाल जाहीर झाल्यानंतर मनोहरन यांचे समर्थक पाच बसमधून पक्षाच्या मुख्यालयात पोहोचले होते. दरम्यान, स्थानिक आमदार मनोहरन यांच्या माहितीशिवाय ब्लॉक अध्यक्षांची निवड तिरुनेलवेली पूर्व डीसीसी अध्यक्ष केपीके जयकुमार यांच्या समर्थकांची करण्यात आली होती, असा आरोप करण्यात आला होता.हा विरोध टीएनसीसी अध्यक्ष के. एस. अलागिरी यांनी एआयसीसी सचिव, माजी टीएनसीसी अध्यक्ष, कार्यकारी अध्यक्ष, माजी आमदार आणि खासदार आणि विद्यमान आमदार आणि खासदार यांच्यासोबत संसदेच्या निवडणुका आणि प्रत्येक विधानसभा मतदारसंघात काँग्रेसचे ध्वजस्तंभ लावण्याबाबत चर्चा करण्यासाठी आयोजित केलेल्या बैठकीत झाला.या बैठकीला उपस्थित असलेल्या पक्षाच्या एका नेत्याने सांगितले की, जेव्हा मनोहरन यांनी पक्षांतर्गत निवडणूका रद्द केल्या पाहिजेत असा आग्रह धरला तेव्हा आलागिरी म्हणाले की टीएमसीसी प्रमुख या नात्याने त्यांनी कधीही निवडणुकीत हस्तक्षेप केला नाही आणि अशी भूमिका बजावण्यासाठी कोणतीही शक्ती नव्हती कारण त्यावर पक्षाच्या रिटर्निंग अधिकाऱ्याचे देखरेख होते दुसरीकडे आलागिरी यांनी पक्षाच्या हायकमांडने अराजक घटकांविरुद्ध कठोर कारवाई करण्याची मागणी केली. त्यानंतर पोलिसांनी जखमी काँग्रेस कार्यकर्त्यांची सुटका केली
إرسال تعليق