मलकापूर:- सुपारी घेऊन एका विवाहित महिलेचा गळा चिरून निर्दयी खून करणाऱ्या तिघांना मलकापूर शहर पोलिसांच्या डी.बी. पथकाने बेड्या ठोकल्या काल 18 सप्टेंबर रोजी रात्री ही कारवाई करण्यात आली.अनैतिक संबंधात अडसर ठरणाऱ्या प्रियकराच्या पत्नीचा काटा काढण्यासाठी प्रेयसीने तीन लाख रुपयांची सुपारी या तिघांना दिली होती. त्यामुळे या तिघांनी 16 सप्टेंबर रोजी मुंबईतील खांदेश्वर पोलीस स्टेशनच्या हद्दीत सुपारी मिळालेल्या त्या विवाहित महिलेचा गळा चिरून खून केला रोहित राजू सोनवणे 22 (शिवाजीनगर मलकापूर), दीपक चोखंडे 25 (बेलाड मलकापूर,) पंकज नरेंद्र कुमार यादव 26 अशी अटक करण्यात आलेल्या आरोपींची नावे आहे. पोलीस सूत्रांनी दिलेल्या माहितीनुसार 16 सप्टेंबर रोजी नवी मुंबईच्या खांदेश्वर पोलीस स्टेशनच्या हद्दीत एका विवाहित महिलेचा गळा चिरून खून करण्यात आला होता. या प्रकरणाच्या तपासात अनैतिक संबंधातून हा खून केल्याचे समोर आले होते. मृतक महिलेच्या पतीचे बाहेर अनैतिक संबंध होते. त्याला आणि त्याच्या प्रेयसीला सोबत राहायचे होते. मात्र प्रियकराची पत्नी आपल्या संबंधात अडसर ठरत आहे असे वाटल्याने प्रियसीने प्रियकराच्या पत्नीचा काटा काढायचा प्लॅन रचला. तिने मलकापूरच्या रोहित राजू सोनवणे याला संपर्क केला. त्याच्या साथीदारांना घेऊन तो मुंबईत पोहोचला तिने प्रियकराच्या पत्नीचा काटा काढण्यासाठी तीन लाख रुपयांची सुपारी तिने तिघांना दिली. त्यातील दोन लाख रुपये आधी व एक लाख काम झाल्यावर देण्याचे ठरले दरम्यान सुपारी मिळालेल्या त्या विवाहितेवर नजर ठेवून 16 सप्टेंबर रोजी तिघांनी तिचा गळा चिरून हत्या केली. आणि पसार झाले मात्र पोलिसांनी संपूर्ण प्रकरणाचा उलगडा करून मृतक विवाहितेच्या पतीसह तिच्या प्रियसिला अटक केली. सुपारी दिल्याची कबुली दिल्यानंतर पोलिसांचे एक पथक काल मलकापुरात पोहोचले. मलकापूर पोलिसांच्या डी.बी.पथकाने बेलाड येथे सिनेस्टाईल पाठलाग करून तिघा आरोपींना जेरबंद केले व मुंबई पोलिसांच्या ताब्यात दिले या संपूर्ण प्रकरणामुळे मलकापुरातीलच सुपारी घेऊन मर्डर करणारी टोळीच सक्रिय असल्याचे समोर आले आहे.
إرسال تعليق